Vengriyada O‘zbekiston elchixonasi ochildi

O‘zbekiston 08:57 / 28.03.2023 3358

Tadbirda O‘zbekiston TIV rahbari Baxtiyor Saidov, Vengriya tashqi ishlar va savdo vaziri Peter Siyyarto, iqtisodiy rivojlanish vaziri Marton Nad, shuningdek, keng jamoatchilik, siyosiy, ishbilarmon doiralar vakillari, mahalliy OAV xodimlari ishtirok etdi

B.Saidov o‘z nutqida mamlakat ochiq, pragmatik, tinchliksevar tashqi siyosat yuritayotgani, barcha davlatlar bilan o‘zaro manfaatli aloqalar rivojlanib borayotgani, xususan, Vengriya bilan hamkorlikni kengaytirish O‘zbekiston tashqi siyosatining muhim yo‘nalishlaridan biri ekanligini ta’kidladi.

O‘z navbatida, Peter Siyyarto O‘zbekiston elchixonasining ochilishi ikki tinchliksevar mamlakatlar o‘rtasidagi aloqalarda kuzatilayotgan ijobiy o‘sish sur’atining yorqin tasdig‘i ekanini, elchixona faoliyati o‘zaro hurmatga asoslangan ikki tomonlama munosabatlarni har jihatdan boyitishga xizmat qilishini ta’kidladi.

Elchixona binosi Budapesht shahrining markaziy hududida joylashgan bo‘lib, u ko‘hna va zamonaviy arxitektura talablarini mujassam etgan.

Bungacha O‘zbekistonning Avstriyadagi elchisi bir vaqtning o‘zida Vengriyada ham elchi bo‘lgan.

Vengriya 2016 yilda Toshkentda elchixonasini ochgan.

Ko‘proq yangiliklar: