Ayollarga AI texnologiyasini o‘rgatish bo‘yicha bepul dastur ishga tushiriladi 

Dasturning asosiy maqsadi va vazifasi – STEM sohalarida gender tafovutini kamaytirish orqali ayollarning sun’iy intellekt texnologiyalari sohasidagi faoliyatini kengaytirishdan iborat. Trening ingliz tilida, aralash formatda, Google Cloud jamoasi ko‘magida o‘tkaziladi.

Treningda STEM, axborot menejmenti yo‘nalishlari bo‘yicha oliy ta’lim muassasalari talabalari va bitiruvchilari, biznes boshqaruvi va biznes informatika yo‘nalishlari bo‘yicha universitet bitiruvchilari, shuningdek, rivojlanayotgan mamlakatlarda yashovchi 22 yosh va undan yuqori bo‘lgan ayollar va qizlar ishtirok etishlari mumkin.

Ishtirokchilardan ingliz tilini bilish, kompyuter savodxonligi, kompyuter va internetga kirish imkoni talab qilinadi.

Trening ikki yo‘nalishda olib boriladi:

1. Texnik kompetensiyalar – dastur ishtirokchisining qiziqishlari va tajribasiga qarab yana 3 ta yo‘nalishga bo‘linadi (Google Cloud arxitekturasi, ma’lumotlar muhandisligi, Machine Learning va Data Processing).

2. Biznes kompetensiyalari – barcha uchun umumiy yo‘nalishdir (raqamli transformatsiyaga kirish, bulutli muhitning korporativ xavfsizligi va boshqalar).

Arizalar 2023 yil 31 martgacha qabul qilinadi.

Arizani quyidagi havola orqali yuborishingiz mumkin:

https://globalaisummit.org/Elevate#

“Elevate” – bu Google Cloud va Saudiya Arabistoni qirolligi Data and AI Authority (SDAIA) tomonidan birgalikda ishlab chiqilgan sun’iy intellekt va machine learning texnologiyalari bo‘yicha ayollarni o‘qitish uchun bepul ta’lim dasturi. Dastur ish o‘rinlari sonini oshiradi hamda fan, texnologiya va dasturlash (STEM – Science, Technology, Engineering, Mathematics), ayniqsa rivojlanayotgan mamlakatlarda gender  tafovutini kamaytiradi. Kelgusi 5 yil ichida tashabbus doirasida 25 ming nafargacha xotin-qizlarning jalb etilishi rejalashtirilgan.