Bosh prokurorning buyrug‘iga asosan adliya katta maslahatchisi Bektosh Rahimovich Soyipov Qashqadaryo viloyati prokurori lavozimiga tayinlandi.

Adliya katta maslahatchisi Bektosh Soyipov 2016 yilgacha Jizzax viloyati Zomin tumani prokurori bo‘lgan, keyinroq Jizzax viloyati prokurorining birinchi o‘rinbosari lavozimida ishlagan, 2021 yil martidan Buxoro viloyati prokurorining birinchi o‘rinbosariga aylangan.

2022 yil fevralida Namangan viloyati prokurori lavozimiga tayinlangandi.

2022 yil avgustidan beri Qashqadaryo viloyati prokurori sifatida ishlab kelgan Salom Samadov 2023 yil fevral oyida bosh prokuror o‘rinbosari lavozimiga tayinlangandi.