С гуруҳи
Кейн Рунидан ўзиб кетди
Италия — Англия 1:2
Голлар: Ретеги (56) — Райс (13), Кейн (44, пенальти).
Италия – Доннарумма, Ди Лоренцо, Толои, Ачерби, Спинаццола, Верратти (Скамакка, 88), Жоржиньо (Тонали, 69), Барелла (Кристанте, 62), Пеллегрини (Ньонто, 69), Берарди (Политано, 62), Ретеги.
Англия – Пикфорд, Уокер, Магуайр, Стоунз, Шоу, Филлипс, Райс, Беллингем (Галлаҳер, 85), Грилиш (Фоден, 69; Триппьер, 81), Сака (Жеймс, 85), Кейн.
Огоҳлантиришлар: Райс (29), Ди Лоренцо (52), Магуайр (57), Жоржиньо (61), Уокер (71), Шоу (78), Ачерби (90).
Четлатиш: Шоу (80).
Евро-2024 учун қуръа мухлисларга биринчи турдаёқ олдинги Европа чемпионати финали ремейкини тақдим этди. Шу билан бирга, Италия ва Англия ўша финалдан кейин яна ўзаро тўқнашган, Миллатлар лигаси гуруҳ босқичида «скуадра адзурра» британлар ҳужумига имкон бермаганди (0:0, 1:0), бир сўз билан айтганда, Роберто Манчини мамлакат ЖЧ-2022 йўлланмасисиз қолганидан кейин хатолар устида иш олиб борганини кўрсатганди.
Шу билан бирга ушбу мураббий кутилмаган янги футболчиларни танлаш борасида ўз услубига содиқ қолди ва ҳужум марказига 23 ёшли Ретегини жўнатди. Бобоси ва бувиси италиялик бўлгани эвазига Италия фуқаролигини олган ушбу аргентиналик ватанида «Тигре» клуби сафида иккинчи ёрқин мавсумини ўтказмоқда, унинг трансфер ҳуқуқи эса «Бока Хуниорс»га тегишли ҳисобланади. Умуман олганда, Италия таркибида ушбу янги футболчига муқобил вариантлар кўп эмасди, Распадори жароҳатланган, Иммобиле формада эмас, Белотти эса «Рома»да ротация футболчисига айланган.
Манчини ўзининг дадил қарорлари билан — ҳамон Магуайрга ишонч билдириб келаётган Гарет Саутгейтнинг мутлақо тескариси. Лекин ғолиблар муҳокама қилинмайди, «Уч шерлар» эса 11 йил ичида илк бор Италиядан устун келишди. Барчаси Райс қайтган тўпни ўзига бўйсундириб, аниқ зарба бериши билан бошланди. Бўлим охирида иккинчи гол урилди — тўп Ди Лоренцонинг қўли текканидан кейин VAR аралашуви билан тарихий 11 метрлик жарима зарбаси белгиланди.
Кейн бу идеал имкониятдан фойдаланди ва терма жамоа учун 54-голини уриб, унинг тарихидаги энг яхши тўпурарга айланиб олди. У бу гол билан Уэйн Рунидан ўзиб кетди. Ҳарри танаффусга кетиш арафасида ажойиб пас билан Грилишни жуда қулай вазиятга чиқарди, аммо у бўш дарвоза қаршисида туриб тўпни дарвоза тўрига киритишни эмас, майдон ташқарисига чиқариб юборишни «уддалади».
just how grealish??????
— Lalith G 🤠🇦🇷 (@LalithG30) March 23, 2023
pic.twitter.com/D32kki8BDk
Айтиш мумкинки, у италияликларни аяди, агар у тўпга аниқ тепганида биринчи бўлимдаёқ ҳисоб йирик кўриниш олган бўларди. Ва бу Рэшфорд жароҳат туфайли Неаполга келмаганида бўлди.
Алалоқибат Грилишнинг хатоси ва Манчинининг танаффусда олиб борган ишлари Италияни жонлантирди. Қолаверса, Ретегининг терма жамоа учун дебют голи нафақат Пеллегринининг идеал узатмаси эвазига, балки Магуайрнинг «ёрдами» билан урилди. У ҳимоядан чиқишда тўпни рақибга топшириб, ўз жамоасини қийин аҳволда қолдирди, хатосини тузатишга ҳаракат қилиб, Бареллага жароҳат етказди.
Harry Maguire plays international football 🤨pic.twitter.com/98EkBDxkhw
— Gar⚽️Breen (@GarBreeninhoLfc) March 23, 2023
Ўйиннинг 79-дақиқасида Шоу иккинчи сариқ карточкани олиб майдонни тарк этганида эса, интрига янада кучайди. Аммо инглизлар ўн киши бўлиб ҳам ғалабани сақлаб қолишди.
Шимолий Македония — Мальта 2:1
Голлар: Элмаз (66), Чурлинов (72) — Янник (86).
26 март. Англия — Украина, Мальта — Италия.
J гуруҳи
Канселу рекорд сари кетмоқда
Португалия — Лихтенштейн 4:0
Голлар: Канселу (8), Силва (47), Роналду (51 пенальти, 63).
Португалия – Патрисиу, Канселу, Диаш, Инасиу, Данилу (Невеш, 67), Геррейру, Фернандеш (Мариу, 90), Бернарду Силва (Витинья, 79), Пальинья, Фелиш (Леау, 67), Роналду (Рамуш, 78).
Саккиз йил муқаддам Фернанду Сантуш томонидан қабул қилиб олинган ва унинг қўл остида Евро-2016 ғолиби бўлган ва кейинроқ биринчи Миллатлар Лигасида ғалаба қозонган Португалия пайшанба куни янги ҳаёт бошлади, жамоа Роберто Мартинес бошчилигида илк учрашувини ўтказди. Испаниялик ушбу мутахассис олти йилини Белгияга бағишлади ва бу жамоанинг олтин авлоди билан ЖЧ-2018 турнирида бронза медалларни қўлга киритди, аммо кейинги вақтларда жамоа боши берк кўчага кириб қолди. Аввалига бу ижодий инқироз эди ва бу ўйин сифати ҳамда натижаларда акс этди, кейин эса инқироз глобаллашиб, Қатардаги жаҳон биринчилиги вақтида жамоа ичида жанжаллар юзага келтириб чиқарди.
Лекин ҳозир ҳамма барчасини оқ қоғоздан бошламоқда, Португалиянинг саралаш босқичи стартидаги рақиби эса қандайдир янги нарсани синаб кўриш ва статистикани яхшилаш учун идеал эди. Ўйин бошланиши биланоқ тарихий кўрсаткич қайд этилди. Ўзи учун қадрдон бўлган «Жозе Алваладе» стадионида Криштиану Роналду кувайтлик Бадер ал-Мутавани ортда қолдирган ҳолда терма жамоасида энг кўп ўйин ўтказиш бўйича жаҳон рекордчисига айланди.
Португалия сафидаги 197-ўйинида сардор ўзининг бошқа рекордини ҳам яхшилади — терма жамоалар миқёсида гол уриш бўйича. Пенальтини аниқ ижро этиб, жарима зарбасини голга айлантирганидан кейин Кришнинг миллий жамоадаги голлари сони 120 тага етди. Ва Евро саралаш турнирларида урилган 32 гол ҳам энг яхши кўрсаткич ҳисобланади. Ҳайратланарли жиҳати, Роналду Лихтенштейн дарвозасини фақат учинчи ўйинга келиб ишғол қила олди, энди бу жамоа унинг 175-қурбон жамоаси бўлди.
Ҳисобни очувчи гол муаллифи бўлган ва Роналду учун 11 метрлик жарима зарбаси ишлаган Жоау Канселуни ҳам алоҳида қайд этиш мумкин. Ҳозирда «Бавария» сафида ижара асосида ўйнаётган «Сити» футболчиси келажакда энг самарадор португалиялик ҳимоячи бўлиб олиши мумкин. Ҳозирда терма жамоа учун 8 гол уриб улгурган Канселу Пепе ва Фернанду Коутуга етиб олди, олдинда эса ҳисобида 11 гол бўлган Бруну Алвеш бор.
Босния ва Герцеговина — Исландия 3:0
Голлар: Крунич (14, 40), Дедич (63).
Босния ва Герцеговина – Шехич, Дедич (Ҳажикадунич, 72), Миличевич, Саничанин, Аҳмедҳожич, Газибегович, Крунич, Ҳажиаҳметович (Прцич, 72), Превляк (Кодро, 67), Демирович (Билбия, 82), Таҳирович (Цимирот, 82).
Исландия – Рунарссон, Магнуссон, Гретарссон, Оулавссон, Сигурдссон (Андерсон, 67), Гудмундссон, Траустасон (Тоурдарсон, 83), Ҳаральдссон, Паульссон, Финнбогасон (Гудьонсен, 83), Торстейнссон (Эллертссон, 67).
Словакия — Люксембург 0:0
26 март. Люксембург — Португалия, Словакия — Босния, Лихтенштейн — Исландия.
Н гуруҳи
Қозоғистон стартдаёқ ютқазди
Дания — Финландия 3:1
Голлар: Ҳейлунд (21, 82, 90+3) — Антман (53).
Дания – Шмейхел, Ба, Кьер, Кристенсен (Нельссон, 18), Мэле (Ларсен, 65), Нёргор, Ҳёйберг, Йенсен (Биллинг, 77), Дамсгор (Дарами, 65), Брэйтуэйт (Винд, 77), Ҳейлунд.
Финландия – Градецки, Алхо, Вяйсянен, Иванов, Йенсен (Оллила, 74), Луд (Форсс, 74), Камара, Кайринен, Пукки, Похьянпало, Антман (Сухонен, 72).
2022 йилги жаҳон чемпионатида муваффақиятсизликка учраган Дания янгиланмоқда ва Европа саралашидаги биринчи гол ушбу янгиланиш рамзи бўлди. Энди ўнг қанот учун жавоб бераётган Ба расмий ўйинларда бошланғич таркибдаги дебютини худди шундай ҳолатдаги Ҳейлундга голли узатма амалга ошириш билан нишонлади. «Аталанта»да порлаётган ушбу 20 ёшли ҳужумчи Копенҳагендаги ўйин қаҳрамонига айланди. Бурчак зарбасидан кейин у ҳал қилувчи голни урди, якунда эса ҳет-трик расмийлаштирди, даниялик футболчилар Евро саралашларида бундай натижага 40 йилдан буён — Михаэл Лаудруп ўйнаган даврлардан буён эришмаганди.
Шу билан бирга мезбонлар ўйини ҳали идеалдан узоқ ва Кристенсен ўйин бошидаёқ жароҳат олиб сафдан чиққач, финнлар намунали қарши ҳужум билан рақиб ҳимоясини ёриб ўтишди ва Пуккининг нозик узатмасидан кейин ҳисоб тенглаштирилди.
Қозоғистон — Словения 1:2
Голлар: Самородов (24) — Брекало (47), Випотник (78).
Қозоғистон – Шацкий, Габишев (Каиров, 68), Малий, Бистров (Ерланов, 79), Марочкин, Вороговский, Оразов, Самородов (Исломхон, 63), Дарабаев (Бейсебеков, 79), Тагиберген, Аймбетов (Зайнутдинов, 63).
Словения – Облак, Карничник, Блажич (Брекало, 5), Бийол, Балковец (Зайц, 46), Стоянович, Вербич (Ловрич, 70), Горенц-Станкович, Гнезда-Черин, Целар (Випотник, 70), Шешко.
Россиялик мутахассис Магомед Адиев бош мураббийлигидаги Қозоғистон жамоаси ўйини Миллатлар Лигаси кашфиётларидан бўлганди. Аммо қитъа биринчилиги учун саралаш турнири — бошқача масъулият ва рақиблар дегани ва буни Астанадаги ўйин кўрсатиб қўйди. Словенларга қарши ўйин бошланғич таркибидан биргина легионер - «Ахмат» аъзоси Бистров ўрин олди, ЦСКА вакили Зайнутдинов ва «Химки» аъзоси Скворцов захирада қолдирилди, «Зенит» футболчиси Алип эса заявкага ҳам киритилмади.
Шу билан бирга 20 ёшли яримҳимоячиси Самородов кўринишида янги қаҳрамон пайдо бўлди. У ўз фаолиятида илк бор терма жамоа бошланғич таркибида ўйнади ва ҳисобни очди. Аммо словенлар иккинчи бўлимда ташаббусни қўлга олишди ва бурак зарбасидан кейин ҳисобни тенглаштиришди.
Аймбетов ўз вазиятидан фойдаланганида воқеалар ривожи бошқача ривожланган бўлиши мумкин эди. Аммо у зарба беришда хатога йўл қўйди, мезбонлар сафида захирадан ўйинга қўшилган Каиров эса ўйин охирларига яқин рақиб ҳужумини ўтказиб юборди. У яккама-якка вазиятга чиқиб бораётган Зайцни жароҳат эвазига тўхтатган Бистровдан ёмонроқ ўйнади. Ўйинга қўшиб берилган дақиқаларда эса Облак қаҳрамонлик кўрсатиб, дарвоза тўсини остидан кириб кетаётган тўпни олиб чиқди.
Сан-Марино — Шимолий Ирландия 0:2
Голлар: Шарлес (24, 55).
26 март. Дания — Қозоғистон, Шимолий Ирландия — Финландия, Словения — Сан-Марино.
Қитъа чемпионати ҳақида асосий маълумотлар
Европа чемпионатининг финал қисми Германияда ўтказилади. Турнир мезбонлиги учун Туркия ҳам даъвогарлик қилганди, аммо немислар устунлик қилишди. Германия бирлашганидан буён илк бор Еврони қабул қилмоқда, аммо 1988 йилги қитъа биринчилиги ҳам ГФРда бўлиб ўтганди.
Саралаш турнирида 53 терма жамоа иштирок этади – бу УЕФА таркибидаги аъзолар сонидан иккитага кам. Германия мезбон сифатида саралашдан озод этилган, Россия эса санкциялар туфайли четлатилган.
Барча иштирокчилар 10 гуруҳга ажратилган, уларнинг еттитасида терма жамоалар сони бештадан, учтасида эса олтитадан. Жами 10 тур кўзда тутилган: якуний тур 2023 йил ноябрига белгиланган.
Барча гуруҳлар:
A гуруҳи: Испания, Шотландия, Норвегия, Гуржистон, Кипр
B гуруҳи: Нидерландия, Франция, Ирландия, Греция, Гибралтар
C гуруҳи: Италия, Англия, Украина, Шимолий Македония, Малта
D гуруҳи: Хорватия, Уэлс, Арманистон, Туркия, Латвия
E гуруҳи: Полша, Чехия, Албания, Фарер ороллари, Молдова
F гуруҳи: Белгия, Австрия, Швеция, Озарбойжон, Эстония
G гуруҳи: Венгрия, Сербия, Черногория, Болгария, Литва
H гуруҳи: Дания, Финландия, Словения, Қозоғитон, Шимолий Ирландия, Сан-Марино
I гуруҳи: Швейцария, Исроил, Руминия, Косово, Беларус, Андорра
J гуруҳи: Португалия, Босния, Исландия, Люксембург, Словакия, Лихтенштейн
