WhatsApp nihoyat 2021 yildan beri beta-versiyada bo‘lgan yangi Windows ilovasini ishga tushirdi. U tezroq yuklanishi va messenjerning mobil versiyasini eslatuvchi soddalashtirilgan interfeys bilan ajralib turadi.

Bundan tashqari, WhatsApp desktop versiyasi endi 8 kishigacha bo‘lgan guruhli video qo‘ng‘iroqlarni va 32 kishigacha audio qo‘ng‘iroqlarni qo‘llab-quvvatlaydi. Xizmat kelajakda foydalanuvchilarning do‘stlari, oila a’zolari va hamkasblari bilan bog‘lanishini osonlashtirish uchun ushbu limitlarni oshirishni rejalashtirmoqda.

Shuningdek, mobil telefonlar, kompyuterlar va planshetlarni o‘z ichiga olgan turli xil qurilmalarda xabarlar shifrlanishi ham e’lon qilindi. Ilova, shuningdek, qurilmalararo sinxronlash, havolalarni oldindan ko‘rish va yangi stikerlarni qo‘llab-quvvatlaydi.

Windows uchun yangilangan WhatsApp ilovasini Microsoft Store do‘konidan yuklab olish mumkin.