Google ChatGPT raqobatchisini ishga tushirdi 

Fan-texnika 23:28 / 21.03.2023 94370

Google kompaniyasi Bard chatboti ishga tushirilganini e’lon qildi. U OpenAI va Microsoft kompaniyasining shov-shuvli ChatGPT botiga raqobatchi sifatida ko‘rilmoqda. 

Ma’lum qilinishicha, hozircha chatbot AQSh va Buyuk Britaniyaning cheklangan miqdordagi foydalanuvchilari uchun ochiq bo‘ladi. Keyinchalik kompaniya bosqichma-bosqich foydalanuvchilar doirasini va Bard ishlay oladigan tillarni kengaytiradi. Google kompaniyasi Bard qidiruv tizimining o‘rnini bosuvchi emas, balki unga qo‘shimcha ekanini ta’kidlamoqda. 

Kuzatuvchilar uzoq vaqtdan beri Google chatboti chiqishini kutayotgan edi. The New York Times nashrining yozishicha, dekabr oyida Google rahbariyati ChatGPT chiqishi munosabati bilan «qizil kod» e’lon qildi. Kompaniya OpenAI va Microsoft ilg‘or chatboti taxminan 20 yil davomida bozorda hukmronlik qilayotgan Google qidiruv xizmati bilan jiddiy raqobatlasha olishidan qo‘rqdi. Fevral oyi boshida Google o‘zining Bard chatboti beta-versiyasi imkoniyatlarini namoyish qildi.

Biroq, sun’iy intellekt foydalanuvchining Jyeyms Uebb kosmik teleskopining kashfiyoti haqidagi savoliga javob berishda xatoga yo‘l qo‘ydi. Oqibatda, Google aksiyalari qiymati 8 foizga tushib ketgan edi. 

Ko‘proq yangiliklar: