«Tolibon» yetakchisi Afg‘onistonda nasha yetishtirishni taqiqladi 

Jahon 23:45 / 18.03.2023 16105

Afg‘onistondagi «Tolibon» harakati yetakchisi Haybatulloh Oxundzoda butun mamlakat bo‘ylab kanop (nasha) yetishtirishni taqiqladi. Bu haqda hukmron rejimning rasmiy vakili Zabiulloh Mujohid ijtimoiy tarmoqda ma’lum qildi. «Tolibon» Afg‘onistonni 2021 yil avgustida egallab olgan. 

«Tolibon» yetakchisining farmonida aytilishicha, «butun mamlakat bo‘ylab kanop yetishtirish qat’iyan man etiladi, shundan keyin hech kim o‘z yeriga kanop eka olmaydi, agar kimdir o‘z yeriga kanop eksa, u yo‘q qilinadi». Bu haqda Darivoa yozdi. 

«Tolibon» rahbari, shuningdek, Ichki ishlar vazirligi va tergov organlariga jinoyatchilarni javobgarlikka tortish, sudlarga esa «ularni shariat qonunlari asosida jazolash»ni topshirgan. 

Hujjat tasdiqlangan kundan boshlab kuchga kiradi va rasmiy gazetada e’lon qilinadi. 

2022 yil dekabr oyida Afg‘oniston Ichki ishlar vazirligi mamlakat bo‘ylab ko‘knori yetishtirish taqiqlanganini e’lon qilgan edi. Ko‘knorining yetilmagan dukkaklaridan opiy olinadi - quyuqlashgan sutli sharbat, undan morfin va kodein ajratiladi.

Afg‘oniston dunyodagi eng ko‘p afyun ishlab chiqaruvchi va eng ko‘p nasha yetishtiruvchi davlatlardan biridir. Mamlakatda nasha ishlab chiqarish hajmi bo‘yicha ishonchli ma’lumotlar yo‘q. 

Ko‘proq yangiliklar: