Давлат раҳбари матбуот хизмати хабарига кўра, Шавкат Мирзиёев Тошкент вилоятида янги энергетика қувватлари қурилишига старт беришда ҳам қатнашиши режалаштирилган.

Янги Тошкент лойиҳаси биринчи босқичида 6 минг гектарда бунёдкорлик қилиш режалаштирилган. Шундан келиб чиқиб, истиқболли қурилиш ҳудудлари, янги шаҳар билан пойтахтни бирлаштирувчи асосий йўллар схемалари ишлаб чиқилган. 

Шаҳарча янги маъмурий ва иқтисодий марказ бўлади. Пойтахт шарқий қисмида, Юқори Чирчиқ ва Ўрта Чирчиқ туманлари ҳудудида барпо этилади. 800 минг аҳолига мўлжалланган бўлади. 

У ерда вазирлик ва идоралар, олий таълим муассасалари, соғлиқни сақлаш ташкилотлари, театр, кутубхона, меҳмонхоналар, турар жой бинолари, боғлар ўрин олади. Хусусан, яшил ҳудудлар 363 гектарни ташкил қилиши кўзда тутилган.