Март ойида Ўзбекистонга 25 минг тонна Россия нефти етказилади 

Ўзбекистон 20:36 / 16.03.2023 6095

Қозоғистоннинг «ҚазТрансОйл» компанияси март ойида Ўзбекистонга 25 минг тонна Россия нефтини ташишни режалаштирмоқда, деб хабар берди Кazinform. 

Компания матбуот хизмати маълумотига кўра, Қозоғистон Энергетика вазирлиги томонидан тасдиқланган нефт етказиб бериш жадвали мавжуд. 

Маълум қилинишича, март ойида «ҚазТрансОйл» Қозоғистон ҳудуди орқали Ўзбекистонга 25 минг тонна Россия нефтини етказиб беради. 

Нефт «Омск - Павлодар - Чимкент - Шағир» нефт қуйиш станцияси (темир йўл цистерналарига юклаш) орқали ташилади. 

2023 йилда «ҚазТрансОйл» магистрал нефт қувурлари тизими орқали Ўзбекистонга Россия нефти транзитининг умумий режалаштирилган ҳажми 250 минг тоннани ташкил этади. 

Кўпроқ янгиликлар