Buxorodan Toshkentga olib ketilayotgan 1 tonna go‘sht yo‘q qilindi

O‘zbekiston 12:13 / 16.03.2023 12836

Navoiy viloyatida epizootik va epidemik vaziyatni barqarorlashtirish borasida viloyat IIB JXX JTSB Karantin tadbirlarini ta’minlash guruhi hamda veterinariya xizmati xodimlari bilan hamkorlikda 14 mart kuni tezkor tadbir o‘tkazilgan. Tadbir davomida iste’molga yaroqsiz bo‘lgan go‘sht mahsuloti aniqlangan.

Ma’lum qilinishicha, Karmana tumanidagi «Samarqand» YPX maskanida «Buxoro-Toshkent» yo‘nalishida harakatlanib kelayotgan, Qorako‘l tumanida yashovchi, 1976 yilda tug‘ilgan fuqaro U.B. boshqaruvidagi Gazel yuk mashinasi ko‘zdan kechirilgan. Mashina yukxonasida veterinariya-sanitariya hujjatlarsiz, suyakdan ajratilgan, yirik shoxli molga tegishli bo‘lgan 1000 kg go‘sht mahsulotlari borligi aniqlangan.

Ushbu go‘sht mahsulotlari Navoiy viloyati hayvonlar kasalliklar tashxisi va oziq-ovqat mahsulotlari xavfsizligi markazi ekspertiza laboratoriyasi xulosasiga ko‘ra, iste’molga yaroqsiz ekani ma’lum bo‘lgan hamda yoqish yo‘li bilan yo‘q qilingan.

Hozirda holat yuzasidan surishtiruv ishlari olib borilmoqda.

Ko‘proq yangiliklar: