Qoʻshimcha funksionallar
-
Tungi ko‘rinish
“Birgina xatoning badali o‘lim” – ajal bilan yonma-yon yuradigan kasb egalari
Ikki oy oldin Andijondagi hayvonot bog‘ida ayiq qafasiga kirgan xodimga tashlanib, uni tishlab o‘ldirgandi. Kun.uz muxbiri mazkur hayvonot bog‘ida bo‘lib, yirtqichlar va hayvon boquvchilar hayoti haqida reportaj tayyorladi.

Hayvonot bog‘larida tomoshabinlarga panjara ortidan biroz yuvosh ko‘rinadigan yirtqich har qanday holatda yirtqichligini qilib qolishi mumkin. Ammo barcha hayvonlar qatorida ularni ham boqish, oziqlantirish kerak bo‘ladi. Albatta, bu anchagina xavfli bo‘lgan ish. Kichkinagina e’tiborsizlik ham hayvon boquvchisining hayotini xavf ostida qoldirishi mumkin. Shu sababli, sher, yo‘lbars yoki ayiqning qafasiga kirish ajal bilan yonma-yon turishdek gap.
Yirtqich hayvonlar qanday boqiladi, ular nimalar bilan oziqlanadi? Umuman, hayvon boquvchilarning kasbi qay darajada xavfli? Kun.uz muxbiri Andijon hayvonot bog‘ida bo‘lib, ushbu kasb egasi bilan suhbatlashdi.
Mazkur hayvonot bog‘ida hozirgi kunda 9 nafar hayvon boquvchisi ishlaydi. Ehtiyotizlik yoki belgilangan tartiblarga rioya etmaslik ular uchun doimo xavfli.
“Yirtqich hayvonlar qafasiga 2-3 kishi bo‘lib kiramiz: bir kishi tashqarida turadi, ikki kishi ichkarida hayvonlarga ozuqa beradi. Yirtqich hayvonlarga e’tibor bilan qaraladi. Oldinroq sodir bo‘lgan holatga ham e’tiborsizlik sabab bo‘lgan. Sherigimiz ayiq meni yaxshi ko‘rib qoldi, deb o‘ylab qafasga yolg‘iz kirgan. Agar qafaslarni qulflab kirganida halok bo‘lmasligi mumkin edi.
Yirtqich hayvonlarning xotirasi bir yilda yangilanadi. Shuning uchun ular bir yoshga yetgunicha o‘zimiz oldiga kirishimiz mumkin. Biroq bir yoshdan so‘ng qafasini alohida qilamiz va oldiga umuman kirmaymiz”, – deydi hayvon boquvchi Rejabali Yo‘ldoshev.
Hayvonot bog‘idagi yirtqichlarni qo‘lga o‘rgatib bo‘lmaydi. Ular sirkdagilardan farq qiladi. Bu kasbning ham o‘ziga yarasha qiyinchiliklari bor.
“Katta sher va yo‘lbarslarga 15-20 kilogrammdan sifatli toza go‘sht beriladi. Sal aynigan go‘sht kasal qilib qo‘yishi mumkin. Yovvoyi hayvonlarga katta-kichikligiga qarab ozuqa beriladi”, — deya ta’kidlaydi boquvchi Rejabali Yo‘ldoshev.
Andijon hayvonot bog‘ida ayni paytda sher, yo‘lbars, ayiq, bo‘ri va boshqa yirtqichlar boqilmoqda.
Abduvali Qurbonov
Tavsiya etamiz
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?
Jamiyat | 17:08 / 10.07.2025
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
So‘nggi yangiliklar
-
Idish yuvish gubkasi: hojatxona tagligidan 456 baravar ko‘p bakteriya saqlaydigan oshxona buyumi haqida nimalarni bilasiz?
Jamiyat | 17:19
-
Test sinovi o‘tkaziladigan binolar ro‘yxati tasdiqlandi
O‘zbekiston | 17:16
-
“Bir yarim yilda 28 ta topshirish punkti ochildi”: Uzum Market tarmog‘i tez o‘sish davrini boshdan kechirmoqda
O‘zbekiston | 17:00
-
Rossiyaning yagona aviatashuvchi kemasi utilizatsiya qilinishi mumkin
Jahon | 16:42
Mavzuga oid

22:27 / 10.07.2025
Buloqboshida yana toshqin xavfi: aholi Janubiy Farg‘ona kanalida suv sathi ko‘tarilganidan xavotirda

12:15 / 10.07.2025
Andijonda chiqindidan elektr ishlab chiqaruvchi zavod qurilishi boshlandi

20:51 / 07.07.2025
Andijonda 9 yoshli ikki bola fermer xo‘jaligi hovuziga cho‘kib ketdi

20:32 / 30.06.2025