«Бугун эрталаб янги бош мураббийдан қўнғироқ бўлди ва у мен қандай ўйин намойиш этмай, барибир миллий жамоада унинг режаларидан ўрин олмаслигимни маълум қилди. Келажакда ҳам мени чақирмаслигини тушунтирди. Афсуски, мен ҳали давом этишига умид қилган саргузаштим қисқароқ бўладиган бўлди.
Фикримча, миллий жамоадаги ажойиб саргузаштим ёшим билан боғлиқ сабаб билан эмас, ўз қароримга кўра якунланишга муносиб.
Месси, Модрич ва Пепе сингари ўйинчиларга қойил қоламан, ҳавас қиламан, аммо энди менда бундай бўлмайди.
Ўз мамлакати бош жамоаси шаънини 180 маротаба шараф билан ҳимоя қилган шахс сифатида миллий жамоамизни энди четдан қўллаб-қувватлашда давом этаман. Шунча йил менга доим ишонган барчага чин қалбдан раҳмат!», - дея ёзади Серхио Рамос ижтимоий тармоқлардаги саҳифаларида.
Seguiré animando a mi país desde casa con la emoción del privilegiado que ha podido representarlo orgulloso 180 veces. ¡Gracias de corazón a todos los que siempre creísteis en mí! ❤️💛❤️ pic.twitter.com/KzVldPhiqo
— Sergio Ramos (@SergioRamos) February 23, 2023
Эслатиб ўтамиз, 36 ёшли ҳимоячи 2005-2021 йиллар давомида Испания миллий жамоаси шарафини ҳимоя қилган. У 180 ўйинда майдонга тушиб, Испания сафида ЖЧ-2010 ғолиби ва икки карра Европа чемпионлигини қўлга киритган.
