XVJ global iqtisodiy o‘sish prognozini yaxshiladi

Iqtisodiyot 11:55 / 31.01.2023 17684

Xalqaro valuta jamg‘armasi 2023 yilda jahon yalpi ichki mahsuloti o‘sishi prognozini 2,9 foizga oshirdi, bu oktyabr oyidagi prognozdan 0,2 foizga ko‘p. Bu haqda XVJning 30 yanvar, dushanba kuni jahon iqtisodiyotining rivojlanish istiqbollari haqidagi hisobotida aytiladi. Shu bilan birga, tashkilot kelgusi yil, ya’ni 2024 yil uchun o‘sish prognozini 0,1 foizga pasaytirib, 3,1 foizga tushirdi. Ikkala ko‘rsatkich ham 2000-2019 yillardagi o‘rtacha ko‘rsatkichdan ancha past (3,8 foiz). 

XVJ ko‘plab mamlakatlarning iqtisodiy ahvoli dinamikasi «ijobiy kutilmagan hodisalar» keltirganini va «kutilmagan darajada yuqori chidamlilik»ni ko‘rsatganini qayd etdi. Shu tariqa, Xitoy yalpi ichki mahsuloti 2023 yilda 5,2 foizga, bir yildan keyin esa 4,5 foizga o‘sishi kutilmoqda. Tahlilchilar Xitoyning yuqori o‘sish sur’atlarini Pekinning kovidga nisbatan «nol bardoshlik» siyosatini rad etishi bilan izohladi. 

Hindiston iqtisodiyoti, XVJ prognoziga ko‘ra, bu yil 6,1 foizga, kelasi yili esa 6,8 foizga o‘sadi. Qo‘shma Shtatlarda bu ko‘rsatkichlar mos ravishda 1,4 va 1 foiz bo‘lishi kutilmoqda. Rossiya uchun prognoz sezilarli darajada yaxshilandi - 2023 yilda 2,3 foizga pasayishdan keyin 0,3 foizga o‘sish, 2024 yilda esa Rossiya iqtisodiyotining o‘sishi 2,1 foizgacha tezlashishi kutilmoqda. 

Germaniya iqtisodiyoti, Xalqaro valuta jamg‘armasi prognoziga ko‘ra, joriy yilda atigi 0,1 foizga o‘sadi. Biroq, bu Rossiyadan gaz yetkazib berishning keskin qisqarishi fonida Germaniyaga retsessiyani va’da qilgan oktabr oyidagi prognozdan yaxshiroq. 2024 yilda XVJ Germaniya iqtisodiyoti 1,4 foizgacha tezlashishini kutmoqda. 

Fransiya, Italiya va Ispaniya kabi Yevropa Ittifoqining boshqa yirik davlatlaridan XVJ yuqori o‘sishni kutmoqda. Yevropada Buyuk Britaniya bundan mustasno, uning iqtisodiyoti o‘tgan inqiroz yili kutilganidan ko‘ra ko‘proq zarar ko‘rdi. Prognoz bu yil yalpi ichki mahsulotning 0,6 foizga pasayishini va faqat 2024 yilda 0,6 foizga o‘sishini va’da qilmoqda. 

Ko‘proq yangiliklar: