Uy-joy va avtomobil ijarasi bo‘yicha minimal stavkalar oshadi

Iqtisodiyot 07:45 / 25.12.2022 45102

Moliya vazirligi 2023 yilgi budjet qonuni loyihasini e’lon qildi. Unda 2023 yil uchun mol-mulkni ijaraga beruvchi jismoniy shaxslarga belgilangan ijara to‘lovining eng kam stavkalari ham ko‘rsatilgan.

Kun.uz tugayotgan yil va 2023 yildagi binolar va avtomobil ijara to‘lovi eng kam stavkalarining taqqoslama jadvalini tuzdi.

 

Toshkent shahrida turar joy binolarini ijaraga berishning eng kam stavkalari 1 kv/m uchun oyiga 17 ming so‘m, noturar joylar uchun esa 35 ming so‘m etib belgilanyapti. O‘tgan yilga nisbatan stavka 10 foizga oshyapti.

Ma’lumot o‘rnida, 60 kvadrat maydonga ega xonadonni 1 mln 20 ming so‘mdan (60 x 17 000) arzon narxga rasman ijaraga berib bo‘lmaydi. Ijara shartnomasidagi summa ijaraga beruvchining daromadini soliqqa tortishda hisobga olinadi (daromad solig‘ining stavkasi – 12 foiz).

Nukus shahri va viloyatlar markazlarida turar joylar ijarasining minimum qiymati 1 kv/m uchun oyiga 9 500 so‘mdan 10 500 so‘mga, noturar joylar ijarasi esa 18 500 so‘mdan 20 500 so‘mga oshyapti.

Boshqa aholi punktlarida 2022 yilda turar joylar ijarasining eng kam stavkasi 4000 so‘m bo‘lgan bo‘lsa, kelgusi yildan bu miqdor 4500 so‘m bo‘ladi.

 

2023 yilda yengil avtomobil ijarasining eng kam stavkasi 630 mingdan 695 ming so‘mga oshyapti.

2022 yilda mikroavtobuslar, avtobuslar va yuk avtomobillar ijarasi stavkasi 1 250 000 so‘m bo‘lgan bo‘lsa, yangi yildan bu miqdor 1 375 000 ming so‘mgacha oshirilyapti.

2023 yilgi budjet parametrlari bilan ushbu maqolada tanishing.

Ko‘proq yangiliklar: