Ўзбекистон ва Франция икки томонлама диплом берувчи таълим дастурларини йўлга қўяди

Ўзбекистон 12:24 / 01.12.2022 1622

Анжуманда олий ва ўрта махсус таълими вазири А.Тошқулов бошчилигидаги 20 дан ортиқ олий таълим муассасаcи раҳбарларидан иборат мамлакат делегацияси ҳамда Франция томондан 150 нафардан зиёд ректорлар, илмий ва ишлаб чиқариш доиралари вакиллари иштирок этди. Форум ҳар йилги анъанавий «Campus France–2022 учрашувлари» доирасида ўтмоқда.

Форумда Франция университетлари билан тўғридан тўғри икки томонлама ҳамкорликни янада кенгайтириш, бир қатор йўналишларда қўшма таълим ва икки томонлама диплом берувчи дастурларни йўлга қўйиш, француз мутахассисларининг Ўзбекистондаги олий таълим муассасаларида қисқа ва узоқ муддатли маъруза ўқиши, семинарлар ташкил этиш, талаба ва профессор-ўқитувчилар алмашуви, малака ошириш, илмий фаолиятдаги ҳамкорликни ривожлантириш борасида 10 га яқин англашув меморандуми, битимлар ҳамда йўл хариталари имзоланди.

Имзоланган ҳужжатлар асосан республикадаги қатор таълим масканларида «Халқаро меҳмонхона менежменти» магистратура дастурини йўлга қўйиш, педагогик кадрлар малакасини ошириш, тиббиёт соҳасида симуляцион таълимни жорий этишга хизмат қилади.

Мулоқот якунида Франция университетлари билан навбатдаги ректорлар форумини 2023 йилда Ўзбекистонда ўтказиш таклифи билдирилди.

Кўпроқ янгиликлар