Ruminiyaning TVR1 telekanaliga ko‘ra, bu haqda mulozim seshanba kuni Buxarestda ochilgan NATO tashqi ishlar vazirlarining yig‘ilishida ma’lum qilgan. 

«Yaqinda Moldova prezidenti Mayya Sandu bilan uchrashdim. Men bu mamlakat bilan birdamligimni bildirdim va ko‘plab NATO ittifoqchilariga Moldova xalqiga amaliy yordam ko‘rsatishga tayyor ekanligimiz haqida kuchli signal yubordim», - dedi Stoltenberg. 

Uning so‘zlariga ko‘ra, «Moldova NATO ittifoqchilari va Yevropa Ittifoqi tomonidan qo‘llab-quvvatlanadi». 

Uning ta’kidlashicha, Ukrainadagi mojaro allaqachon Moldovada mahsulotlar narxining sezilarli darajada oshishiga olib kelgan va respublikaning energetika sektoriga ham ta’sir ko‘rsatgan. 

29-30 noyabr kunlari Buxarestda NATO tashqi ishlar vazirlarining yig‘ilishi o‘tkaziladi. Unda ilk bor Moldova tashqi ishlar va Yevropa integratsiyasi vaziri Niku Popesku ham ishtirok etadi. Bundan tashqari, yig‘ilishda Moldova a’zolikka intilmayotgan, biroq, Alyans hamkori bo‘lgan yagona davlatdir.