Солиқ кодексига янги ўзгартиш ва қўшимчалар киритилади

Ўзбекистон 08:50 / 25.11.2022 4521

“Солиқни ҳисоблаб чиқариш тартиби айрим қоидалари такомиллаштирилиши муносабати билан Солиқ кодексига ўзгартиш ва қўшимчалар киритиш тўғрисида”ги қонун лойиҳаси эълон қилинди.

Қонун лойиҳаси, Солиқ кодекси айрим моддаларига ўзгартириш ва қўшимчалар киритишни назарда тутувчи 4 та моддадан иборат.

415-, 422-, 429-, 437-, 461- ва 462-моддаларга ўзгартиришлар киритиш орқали, 2022 йил 1 июлдан бошлаб тадбиркорлик субъектлари бўш турган бинолари, фойдаланилмаётган ишлаб чиқариш майдонлари, яшаш учун мўлжалланмаган иншоотлар, тугалланмаган қурилиш объектларига нисбатан қонунчиликда оширилган солиқ ставкаларини белгилаш йўли билан таъсир чоралари қўлланилиши бекор қилинмоқда.

424- ва 425-моддаларга қўшимчалар киритиш орқали, доимий фойдаланиш ҳуқуқига эга бўлган давлат органлари, муассасалари ва ташкилотлари билан тузилган ижара шартномаси асосида берилган ер участкалари бўйича ижара тўловлар ер солиғига тенглаштирилмоқда, ушбу ер участкалари бўйича солиқ тўловчи аниқлаштирилмоқда.

483-моддага қуйидагиларни назарда тутувчи қўшимчалар киритилмоқда:

а) мамлакат 11 та вилоятидаги 47 та шароити “оғир” бўлган туманларида янгидан ташкил этилган тадбиркорлик субъектлари учун айланмадан олинадиган солиқ ставкаси 1 фоиз ҳамда юридик шахслардан олинадиган ер ва мол-мулк солиқлари ҳисобланган суммадан 1 фоиз ставкада тўланиши белгиланмоқда;

б) 2025 йил 1 январга қадар бўлган даврда қуйидагилар:

электротехника маҳсулотларини ишлаб чиқарувчи электротехника тармоқ корхоналарига фойда солиғини ҳисоблашда янги технологик ускуналар қиймати, ишлаб чиқаришни модернизация қилиш, техник ва (ёки) технологик жиҳатдан қайта жиҳозлаш харажатлари суммалари 30 фоизини биринчи йилда инвестициявий чегирма сифатида чегириш ҳуқуқини бериш;

электротехника тармоқ корхоналари ихтисослаштирилган марказларига, улар объектлари ва улар эгаллаган ер участкалари бўйича юридик шахслар мол-мулкига солинадиган солиқ ва юридик шахслардан олинадиган ер солиғини, мазкур солиқлар бўйича ҳисобланган суммадан 1 фоиз миқдорида, ижтимоий солиқни 1 фоиз миқдоридаги солиқ ставкаси бўйича тўлаш назарда тутилмоқда;

в) 2020 йил 1 январдан 2023 йил 1 июнгача бўлган даврда жисмоний шахслар учун Солиқ кодекси 437-моддаси тўққизинчи қисмида назарда тутилган уч каррали ставкада солиқ ҳисоблаш тартибини тўхтатиб туриш белгиланмоқда.

Кўпроқ янгиликлар