Britaniya ko‘chalaridan biriga qadamlarni elektrga aylantirib beradigan yo‘lak o‘rnatildi

Fan-texnika 15:14 / 16.11.2022 48572

Telford va Vrekin kengashlari shahar ko‘chalaridan biriga piyodalar yurganda yoki yugurganda energiya ishlab chiqaradigan olti metrli aqlli qoplamani o‘rnatdi.

Foto: Metro.co

To‘plangan energiya Shropshire shtatining Telford shahridagi skameykalar yonidagi zaryadlash punktlariga uzatiladi. Bu yerda odamlar mobil telefonlarini quvvatlantirishi mumkin.

Foto: Metro.co

 Yo‘lovchilar qadamlari natijasida hosil bo‘ladigan energiya miqdorini ko‘rsatadigan ekran quyosh energiyasi bilan ishlaydi. Yo‘l qoplamasi rezina va zanglamaydigan po‘latdan yasalgan va soatiga 2,1 kVt elektr energiyasi ishlab chiqara oladi.

Foto: Metro.co

Aholining aksar qismi bu tashabbusni olqishlagan bo‘lsa, yana bir qismi iqtisodiy krizis paytida bunday qimmatbaho loyihalar kerak emas degan fikrda. Chunki Telford va Vrekin kengashlari iqlim o‘zgarishiga qarshi chora-tadbirlar uchun 4,5 million dollardan ortiq pul ajratgan. Qadamlarni elektrga aylantirib beradigan yo‘lak ham shu pullarning bir qismi hisoblanadi.

Ko‘proq yangiliklar: