Avvallari bu ro‘yxatga kiritilmagan O‘zbekiston prezidenti Shavkat Mirziyoyev 139-o‘rinda qayd etilgan.

So‘nggi 7 yilda reytingdan muqim o‘rin olib kelgan Tojikiston prezidenti Imomali Rahmon bu safar ro‘yxatdan o‘rin olmagan. So‘nggi marta unga 133-o‘rin berilgan edi. Tojikistondan ro‘yxatga mamlakatning bosh muftiysi Sayidmukarram Abdulqodirzoda kiritilgan va 146-o‘rinda qayd etilgan.

Ro‘yxatdan shuningdek Qozog‘iston prezidenti Qosim-Jo‘mart To‘qayev ham joy olgan va 183-o‘ringa qo‘yilgan. Qozog‘istonlik mashhur qo‘shiqchi Dimash Xudoybergan 138-o‘rinda.

Afg‘onistondagi toliblar hukumati rahbari Haybatulloh Oxunzoda ham ro‘yxatga kiritilib, 49-o‘ringa joylashtirilgan.

Reytingda birinchi o‘rinda Saudiya Arabistoni qiroli Salmon ibn Abdulaziz Ol Saud qayd etilgan. U har yilgi hajni tashkil qilish va butun dunyodan millionlab ziyoratchilar uchun qayg‘urishga mas’ul.

Ikkinchi o‘rindan Eronning oliy rahnamosi Ali Xominaiy, uchinchi o‘rindan esa Qatar amiri Tamim ibn Hamad Ol Soniy joy olgan.

To‘rtinchi o‘rin Turkiya prezidenti Rajab Toyyib Erdo‘g‘anga berilgan.

Misrlik taniqli futbolchi Muhammad Saloh 39-o‘ringa loyiq ko‘rilgan.