AQSh: Rossiyada harbiy-sanoat kompleksi uchun mikroelektronika tugayapti

«Rossiyada harbiy-sanoat kompleksi uchun juda muhim bo‘lgan mikroelektronika tugab bormoqda, Rossiya rasmiylari esa ularda yetarlicha xorijiy komponentlar yo‘qligidan xavotirda», — deya ma’lum qildi Adeyomo. 

Uning so‘zlariga ko‘ra, Rossiyaning ikki yirik mikroelektronika ishlab chiqaruvchi korxonasi muhim xorijiy texnologiyalar yo‘qligi sababli ishlab chiqarishni vaqtincha to‘xtatishga majbur bo‘lgan. 

Adeyomo gap qaysi kompaniyalar haqida ketayotganiga aniqlik kiritmadi. 

Bundan oldin Yevropa ittifoqi Rossiyaga qarshi ekstraterritorial sanksiyalar joriy qilishi xabar berilgandi.

Yangi sanksiyalar paketi YeIga Yevropa ittifoqi sanksiyalarini chetlab o‘tishga ko‘mak ko‘rsatadigan shaxslarni qora ro‘yxatga kiritish imkonini beradi. Bloomberg ta’kidlashicha, ekstraterritorial o‘lchovning kiritilishi Yevropa ittifoqining sanksiyalar siyosatida katta o‘zgarishlarni bildiradi.