ОФК кубоги. «Сўғдиёна» пенальтилар сериясида «Куала Лумпур»га мағлуб бўлиб, финалга чиқа олмади

Спорт 21:12 / 05.10.2022 10732

Қарийб 10 минг томошабин қаршисида ўтган баҳс 120 дақиқа давом этди ва томонлар тўртта бўлимда дуранг қайд этишди – 0:0. 

Бир ўйиндан иборат баҳсда ҳисоб очилмагач, ҳакам жамоаларни пенальтилар сериясига таклиф этди. Сериядан аввал жиззахликлар бош мураббийи Улуғбек Бақоев дарвозабон Милан Митрович ўрнига Ширинбой Абдуллаевни майдонга туширди. Бироқ Шаҳбоз Жўрабековнинг омадсиз зарбасидан кейин у жамоасини омадсизликдан қутқара олмади. 

Шу тариқа, финалда «Куала Лумпур» Уммоннинг «Ас-Сиб» клубига қарши майдонга тушадиган бўлди. Ҳал қилувчи ўйин 22 октябрь куни ўтказилади.

ОФК кубоги. Яримфинал (Ҳудудлараро финал).
«Сўғдиёна» – «Куала Лумпур Сити» - 0:0. Пенальтилар серияси: 3:5

Бош ҳакам: Али Сабоҳ Ал Қайси (Ироқ)
«Сўғдиёна»: 27.Милан Митрович (Ширинбой Абдуллаев, 120), 2.Сардор Қулматов, 6.Искандар Шойқулов (77.Даниел Насриддинов, 107), 7.Шаҳбоз Жўрабеков, 10.Шоҳруз Норхонов (17.Ҳусниддин Ғофуров, 112), 11.Жасур Ҳасанов, 19.Жавоҳир Қаҳрамонов, 21.Абдужалил Маназаров (5.Аюбхон Нўъмонов, 112), 26.Виталий Денисов (39.Шавкат Саломов, 68), 31.Лука Чермель, 93.Марко Колакович.
«Куала Лумпур»: 1.Кевин Мендоса, 4.Камол Азизий, 6.Райан Ламберт (21.Кенни Паллараж, 100), 7.Ромел Моралес, 8.Зафри Яҳё (30.Факрул Айман, 100), 9.Жанкарло Галлифуоко, 12.Деклан Ламберт (25.Анвар Иброҳим, 100), 14.Акром Маҳинон, 16.Жанасекаран Партибан, 17.Ирфон Закария, 28.Пауло Жозуэ.

Кўпроқ янгиликлар