Ishonchimiz komilki, ko‘rsatuv qahramonlarining taqdirlari bilan tanishish ota-onasi hayot bo‘lgan, qolaversa farzand ham tarbiyalayotgan barcha vatandoshlarimiz uchun foydali bo‘ladi.
Agar mavzu sizga taalluqli emasdek tuyulgan bo‘lsa, siz ota-onangizga hamma sharoitni muhayyo qilib qo‘yganman deb hisoblasangiz, unda siz uchun xursandmiz. Faqat bir narsani aytishni istardik: inson keksayganida mehrga muhtojligi ortadi, mehr ko‘rsatish esa chiroyli uy qurib berish, eng yaxshi yeguliklar va kiyimlarni olib berishdan iborat emas. Eng asosiysi, ota-onalarimizga ko‘proq vaqt ajratishga, ular bilan samimiy va dildan suhbatlashishga intilaylik.
