«O‘zbekiston temir yo‘llari» boshqaruv raisi v.b. X.Hosilov boshchiligidagi delegatsiya Berlin shahrida o‘z ishini boshlagan InnoTrans 2022 transport texnologiyalari xalqaro savdo yarmarkasiga tashrif buyurdi.
Tadbirda qatnashayotgan delegatsiya a’zolari Fransiyaning Alstom, Germaniyaning Siemens, Ispaniyaning SAF, Shveytsariyaning Stadler, Chexiyaning Skoda, Janubiy Koreyaning Hyundai kabi kompaniyalari bilan yangi elektropoyezdlar hamda zamonaviy yo‘lovchi vagonlarni xarid qilish bo‘yicha qizg‘in muzokaralar olib bormoqda.
Uchrashuvlar natijasiga ko‘ra, respublika barcha viloyatlari orqali to‘laqonli temiryo‘l qatnovlarini ta’minlash uchun 34 ta elektropoyezd, 6 ta dizel poyezdi hamda kamida 100 ta yangi zamonaviy turdagi yo‘lovchi vagonlarni xarid qilish mo‘ljallangan.