Москвада ўзбекистонлик йигит икки аёлни ёнғиндан қутқаргани учун мукофотланди 

Жаҳон 23:20 / 22.09.2022 10252

Москва шаҳрида ўзбекистонлик 24 ёшли Ойбек Эштемиров икки аёлни ёнғин юз берган хонадонлардан қутқариб олиб чиққани учун мукофотланди.  

Хабар қилинишича, у лифтда саккизинчи қаватга кўтарилаётганида тутун ҳидини сезган ва бир қават пастда ёнғин юз берганини тушунган.  

Ойбек еттинчи қаватдаги ёнғин содир бўлаётган хонадонга кириб бир аёлни олиб чиққан. Кейин эса саккизинчи қаватдаги олов ичида қолган хонадонга кириб кекса аёлни қутқарган.  

“Ҳеч нарсани ўйлаб ўтирмасдан ёрдамга шошилдим. Ўша вақтда уларни қутқаришдан бошқа нарса хаёлимга келмади. Ҳар қандай эркак шундай қилган бўларди”, - дейди Ойбек.

Ўзбекистон ўзини ҳақиқий қаҳрамонлардек намоён этган Ойбек билан фахрланиши мумкин, деб ёзади Москва миллий сиёсат ва минтақалараро алоқалар департаменти матбуот хизмати.

Кўрсатган жасорати учун Ойбек Эштемиров департамент раҳбарининг ташаккурномаси ва Москва фавқулодда вазиятлар вазирлиги бош бошқармасининг мукофоти билан тақдирланди.  

Кўпроқ янгиликлар