Тадбиркорлик субъектларининг айланмаси 650 трлн сўмдан ошиб, аввалги йилга нисбатан 127,8 фоизга ўсди

Ўзбекистон 13:50 / 16.08.2022 1814

187,4 минг субъект айланмаси ўтган йилга нисбатан кўпайган. Жами товар айланмаси ўсиши 127,8 фоиз.

Йил бошидан товар ва хизматлар айланмаси ҳажми градацияси:

  • 500 млн сўмгача айланмага эга 282 858 субъект;
  • 1 млрдгача — 20 688 субъект;
  • 10 млрдгача — 26 878 субъект;
  • 100 млрдгача — 5 253 субъект;
  • 1 трлнгача — 667 субъект;
  • 1 трлндан кўп айланмага эга 64 субъект.

4,5 минг якка тартибдаги тадбиркор айланмадан олинадиган солиқ (АОС) тўлашга ўтган.

26,7 минг корхона АОСдан умумбелгиланган солиқларни тўлашга ўтган.

2022 йилнинг биринчи ярмида 336 408 та тадбиркорлик субъекти томонидан тақдим этилган солиқ ҳисоботларига кўра, 650,4 трлн сўмлик маҳсулот ва хизматлар айланмаси амалга оширилган бўлса, шундан 198,6 трлн сўми солиққа тортилмайдиган имтиёзли айланмалар.

Фаолият турлари кесимида умумий айланма ҳажмининг 43,7 фоиз саноат тармоғида фаолият юритувчи 40 656 тадбиркорлик субъекти томонидан амалга оширилган. Уларнинг биринчи ярим йилликда товар айланмаси 284,5 трлн сўмга етди.

Жами товар айланмасининг чорак қисмидан кўпроғи – 168,3 трлн сўм (25,9 фоиз) — савдо соҳасида фаолият юритувчи 132 603 та субъект томонидан амалга оширилган.

Товар айланмасининг қолган қисми қуйидаги йўналишлар бўйича тақсимланди:

  • қурилиш - 50 трлн сўм (7,7 фоиз);
  • ташиш ва сақлаш – 30,4 трлн сўм (4,7 фоиз);
  • қишлоқ, ўрмон ва балиқ хўжалиги – 21,7 трлн сўм (3,3 фоиз);
  • ахборот ва алоқа – 11 трлн сўм (1,7 фоиз);
  • яшаш ва овқатланиш хизматлари – 5,4 триллион сўм (0,8 фоиз);
  • соғлиқни сақлаш – 2,5 трлн сўм (0,4 фоиз);
  • бошқа тармоқлар – 76,6 трлн сўм (11,8 фоиз).

ДСҚ Матбуот хизмати

Кўпроқ янгиликлар