Озарбойжонда ўзбек модели асосида ипакни қайта ишлаш кластерлари ташкил этилади

Жаҳон 10:58 / 16.08.2022 1951

Озарбойжонда бўлиб турган Ипакчилик ва жун саноатини ривожлантириш қўмитаси Хоразм вилояти ҳудудий бошқармаси бошлиғи Абдурашид Абдуллаев Озарбойжон қишлоқ хўжалиги вазири ўринбосари Сарван Жафаров билан учрашди.

"Ўзбекипаксаноат" уюшмаси хабарига кўра, учрашувда 2023 йилда ўзбек модели асосида Озарбойжоннинг Агдош, Агжабади, Тартар, Зардоб, Агдам, Евлах ва Бардада туманларида кластер усулида ипакни қайта ишлаш корхоналари ташкил этилиши юзасидан келишиб олинди. 

Бундан ташқари, Озарбойжонда тут кўчати етиштириш хўжалиги ташкил этиш масалалари юзасидан бир қарорга келинди.

Бунда, Озарбойжон ҳукумати томонидан ер ажратилиши кўзда тутилган бўлиб, имтиёзли равишда хўжалик маълум муддатга ер солиғидан озод этилади.

Кўпроқ янгиликлар