Россиялик ҳарбий мухбир Юрий Котенокнинг тасдиқлашича, Украина қуролли кучлари «Вагнер» хусусий ҳарбий компаниясининг Луҳанск области Попасная шаҳридаги «жойлашув манзилларидан бири»га зарба йўллаган. «Донбассдаги манбалар тасдиқламоқда. Катта эҳтимол билан бу HIMARS. Украина ресурслари [бизнесмен Евгений] Пригожиннинг ўлими ҳақида тарқатаётган хабарлар — тасдиқланмади», — дея ёзган Котенок телеграмида.

Бундай зарба ҳақида илк бор «Вагнер» билан алоқадор бўлган «Reverse side of the medal» телеграм-канали хабар тарқатди. Унда Попаснаяга зарбадан кейин олингани айтилган фотосуратлар пайдо бўлган. Пропагандиа медиаси бўлмиш «Русская весна» ҳам «Операция Z: Военкоры русской весны» телеграм-каналида ўша кадрлар қаторида воқеа жойидан видео эълон қилди. «Русская весна» «бир қанча ярадорлар ва бир қурбон» ҳақида маълумот берган.

«Радио Свобода» зарба оқибатлари акс этган фотосуратлар орқали «Вагнер» штаби жойлашувини аниқлаш мумкин — бу Мироновская, 12 кўчаси. Худди шу манзилда олинган суратлар 8 август куни ҳарбий корреспондент Сергей Среданинг телеграм-каналида эълон қилинганди. У вагнерчиларнинг Евгений Пригожин ҳам бўлган штабига келганини айтганди (кейинроқ ҳарбий корреспондент постни ўчириб юборди, тармоқда эса ундан нусха сақланиб қолди). Сергей Среда штаб манзилидан суратларни «Вагнер» жангчилари розилиги билан эълон қилганини айтган.

This is indeed Mironivska, 12. There was the sign with this address on the photo published by Sreda on Aug. 8th. The sign says "nearest bomb shelter", but we think it was indeed this building, not any "nearest" one. Now we can easily geolocate that indeed this house was hit. pic.twitter.com/bN0uDcxKWn

— Mark Krutov (@kromark) August 14, 2022

Бу чиндан ҳам Мироновская, 12. Бу манзил акс этган вивескани 8 август куни Среда томонидан эълон қилинган фотосуратда акс этган. Табличкада «энг яқин бомбапанагоҳ» ёзуви бор, аммо биз ўйлаймизки, бу чиндан ҳам шу бино бўлган. Энди биз зарба ҳақиқатан ҳам шу уйга берилганини осон аниқлашимиз мумкин.

«Медуза» Среданинг каналидаги фото ва портлашдан кейин олинган видеони ўрганиб, видеоёзувда айнан Среданинг хабарида кўрсатилган уй, фақат бошқа томондан акс этганини аниқлаган. Бу уйни гаражлар орқали аниқлаш осон. Уйдаги шикастланишлардан келиб чиқиб, зарба Украина назоратидаги Северск ҳудудидан (Попаснаядан 30 километр масофада жойлашган) туриб берилганини тахмин қилиш мумкин.

Украина ва Россия телеграм-каналлари ушбу зарба оқибатлари акс этган суратларни тарқатди.

Conflict Intelligence Team лойиҳаси асосчиси Руслан Левиев «ҳақиқатда нима рўй берганига айрим шубҳалар борлиги»ни айтган.

Украина расмийлари ҳозирча Попаснаяга йўлланган зарба бўйича изоҳ бермади.

Луҳанск области маъмурияти раҳбари Сергей Гайдай бу ҳужум тафсилотлари бўйича маълумотларни очиқлай олмаслиги, аммо ҳужум оқибатида вагнерчиларнинг камида 100 нафари ҳалок бўлганини айтган.