Toshkentda YTHga uchragan «Vaz-2106» ikkiga bo‘linib ketdi

Joriy yil 14 avgust kuni soat 07:30 larda Sergeli tumanida yashovchi, 2002 yilda tug‘ilgan fuqaro P.I. “Vaz-2106” transport vositasida Sergeli tumani Yangi Sergeli ko‘chasi bo‘ylab avtomashinalar sotuvi bozori tomondan janubiy temiryo‘l vokzali tomonga harakatlanib ketayotgan bo‘lgan.

Toshkent shahar IIBB YHXB xabariga ko‘ra, u “Turon” savdo majmuasi binosi qarshisida rul boshqaruvini yo‘qotib daraxtga urilgan. 

Yo‘l-transport hodisasi oqibatida haydovchi tan jarohati olib, shifoxonaga yotqizilgan. Holat yuzasidan tegishli hujjatlar rasmiylashtirilib, hozirda surishtiruv harakatlari olib borilmoqda.