Qoraqalpog‘iston Respublikasida 2022 yil iyul oyida yuz bergan holatlar va voqealarni o‘rganish bo‘yicha komissiya a’zolari 15 avgust kunidan yana ish boshladi.

Avval, Qoraqalpog‘istonda shu kunga qadar to‘plangan ma’lumotlar har tomonlama o‘rganilayotgani ma’lum qilingan edi.

Navbatdagi o‘rganish obektlari avvalgi o‘rganishlarda shu kunga qadar to‘plangan ma’lumotlar tahlillari asosida tanlanib, ba’zi ma’lumotlar qayta tekshirilishi ham ko‘zda tutilgan.

Bundan tashqari, Qoraqalpog‘istondagi holatlar yuzasidan komissiya a’zolari fuqarolar murojaatlarini muntazam qabul qilmoqda.

Komissiyaning ishchi shtabida fuqarolar qabuli muntazam o‘tkazib kelinmoqda. Olingan har bir murojaat komissiya tomonidan nazoratga olinib, tegishli choralar belgilanmoqda.

Komissiya tashabbusi bilan ishga tushirilgan 1374 qisqa raqamli koll-markaz tomonidan fuqarolarning Qoraqalpog‘istondagi holat va sodir bo‘lgan hodisalar yuzasidan murojaatlari qabul qilinmoqda.