Ўзбекистон ва Германия иқлим ўзгариши соҳасида янги минтақавий лойиҳани амалга оширади

Ўзбекистон 08:29 / 15.08.2022 1539

Давлат экология қўмитаси ва Германия халқаро ҳамкорлик жамияти (GIZ) ўртасида грант лойиҳасини амалга ошириш бўйича битим имзоланди.

Марказий Осиёда иқлим хавфларини бошқариш минтақавий лойиҳаси Ўзбекистон, Қозоғистон, Тожикистон, Қирғизистон ва Туркманистонда амалга оширилиши режалаштирилган.

Лойиҳа умумий қиймати 10 млн еврони ташкил этиб, Германия Иқтисодий ҳамкорлик ва тараққиёт федерал вазирлиги томонидан молиялаштирилади ҳамда 2022-2026 йилларда имплементация қилинади.

Лойиҳа Германия халқаро ҳамкорлик жамияти (GIZ) “Яшил Марказий Осиё” минтақавий дастури доирасида ишлаб чиқилган.

Тадбирда Ўзбекистон иқлим кун тартиби энг муҳим жиҳати “яшил” иқтисодиётга босқичма-босқич ўтиш экани қайд этилди. Экспертлар таъкидлашича, иқтисодиёт энергия самарадорлигини ошириш, углеводородлардан фойдаланишни қисқартириш, қайта тикланадиган энергия манбалари улушини ошириш чора-тадбирлари амалга оширилмоқда. 2030 йилга бориб энергия самарадорлиги кўрсаткичи икки баравар ошиши ва ялпи ички маҳсулот углерод истеъмолининг пасайиши кутилмоқда.

Кўпроқ янгиликлар