Россияда Ўзбекистон фуқароси ўғирлаб кетилди

Жаҳон 13:31 / 06.08.2022 10986

Санкт-Петербургда Красноселский тумани полицияси тез овқатланиш ресторанида Ўзбекистон фуқаросининг ўғирлаб кетилгани ҳақидаги маълумотларни текширмоқда

Май ойида РФ ҳудудига ишлаш учун келган ва вақтинча рўйхатдан ўтган 25 ёшли Ўзбекистон фуқароси 2 август куни кечки соат беш яримлар атрофида ИИВга мурожаат қилди, деб ёзади «Фонтанка» нашри. 

У, дастлабки маълумотларга кўра, 31 июль куни соат кечки саккизларда беш киши уни кафенинг хизмат кўрсатиш эшигида ушлаб олгани тўғрисида хабар берган. Улар ўзбекистонликнинг телефонини олиб қўйган ва 35 минг рубль миқдорида кредит олиш учун онлайн ариза беришга мажбур қилган.

Шундан сўнг, 25 ёшли Ўзбекистон фуқароси «Лада Ларгус» машинасига миндирилган ва ўрмонга олиб чиқиб кетилган, у ерда эса чуқур қазишга мажбурланган. Шу билан бирга, ундан 100 минг рубль талаб қилишган. Кейин уни яна кафега қайтариб олиб келишган.

Эртаси куни яна беш киши кафенинг хизмат кўрсатиш эшигига келиб, ундан 35 минг рубль пулни тортиб олишган.

Жиноят иши қўзғатиш масаласи ҳал қилинмоқда.

Кўпроқ янгиликлар