Швецияда Ўзбекистон элчихонаси очилади

Ўзбекистон 07:28 / 05.08.2022 5003

Ўзбекистоннинг Швециядаги янги элчихонасининг биринчи дипломати Стокҳолмга етиб борди, деб хабар бермоқда “Дунё”.

Дипломатик миссия маслаҳатчиси лавозимига тайинланган Нодир Ғаниев Ўзбекистоннинг Швеция қироллигидаги муваққат ишлар вакили вазифасини бажаради.

У Фарғона шаҳрида туғилган, 50 ёшда. 1993 йил Тошкент давлат университетини (ҳозирги Миллий университет) филолог-шарқшунос мутахассислиги бўйича тамомлаган. 1994 йилдан буён Ташқи ишлар вазирлиги тизимида фаолият юритиб, марказий аппаратда ва мамлакат хориждаги дипломатик ваколатхоналарида турли лавозимларда ишлаган.

Швецияга жўнаб кетишдан олдин у Ташқи ишлар вазирлиги Европа мамлакатлари ва ЕИ институтлари билан ҳамкорлик бошқармаси бошлиғи лавозимида ишлаган.

Стокҳолмдаги дипломатик ваколатхона Ўзбекистоннинг хорижий давлатлардаги 36-элчихонаси бўлади.

Кўпроқ янгиликлар