«Ўзбеккосмос» Бўстонлиқда икки йилдан бери фойдаланилмай келинаётган 413 та объектни аниқлади

Ўзбекистон 15:35 / 05.08.2022 4001

АОКАда ўтказилган брифингда Геоахборот технологиялар ва навигациялар бошқармаси бошлиғи Муҳиддин Ибрагимов "Ўзбеккосмос" агентлиги томонидан ярим йил давомида амалга оширилган ишлар ҳақида маълумот берди.

Қайд этилишича, Самарқанд вилоятидаги 16,8 минг квадрат километр майдонда ўтказилган космик мониторинг тизимли таҳлили жами 279 та қазилма конларидан 119 тасида эҳтимоли юқори бўлган ноқонуний геологик қидирув ишларини амалга ошириш, қазиш ва чегара бузилиши каби қонунга зид ҳаракатларни аниқлади.

Юқори аниқликдаги космик суратларни таҳлил қилиш натижасида сел-сув тошқинлари ювиб кетиш хавфи ўта юқори бўлган ҳудудларда жойлашган биноларни аниқлаш бўйича фаолият йўлга қўйилди.

Бўстонлиқ туманида жойлашган ўрмон қоплами аниқланиб ва рақамлаштирилиб, экилган дарахтлар, уларнинг турлари ва майдонлари таснифланди. 

Билдирилишича, ҳозирда бутун Тошкент вилояти кесимида барча ўрмон қопламларини рақамлаштириш ишлари олиб борилмоқда.

Кўпроқ янгиликлар