Тадбирда таъкидланишича, Самарқандда ташкил этилаётган «Ўзбекистон – ШҲТ» саноат зонаси ташкилот доирасида янги қўшма лойиҳаларни амалга ошириш учун самарали платформа бўлиши кутилмоқда. Саноат зонаси имкониятларини тўлиқ рўёбга чиқариш учун унинг ҳудудида ШҲТ инвестиция лойиҳаларини ишлаб чиқиш марказини яратиш таклиф қилинди. Марказ асосий вазифаси саноат, инфратузилмавий, хомашё ва инсон ресурсларини сафарбар этишдан иборат бўлади.

Ўзбекистон томонидан озиқ-овқат хавфсизлиги ва қишлоқ хўжалиги соҳасидаги ҳамкорликни фаоллаштириш, экологик, соғломлаштириш, зиёрат туризми ва бошқа соҳалар бўйича муносабатларни кенгайтиришга доир аниқ таклифлар илгари сурилди.

Тадбир давомида панель сессиялари ҳам ташкил қилинди. Мутахассислар очиқ мулоқотда савдо-иқтисодий, инвестициявий, маданий-гуманитар ва бошқа устувор йўналишларда ҳудудлараро ҳамкорликни кенгайтириш йўлларини муҳокама қилди.