Ўзбекистон Қозоғистондан пул ўтказмалари бўйича етакчига айланди

Ўзбекистон 16:16 / 04.08.2022 3247

LS нашри Миллий банк маълумотларига таяниб хабар қилишича, пулнинг катта қисми Қозоғистондан Ўзбекистонга ўтказилган. Шу тариқа, июнь ойида Ўзбекистонга 36,2 миллиард тенгедан ортиқ маблағ жўнатилган.

Ундан кейинги ўринларда Россия – 22,5 миллиард тенге, Туркия – 20,7 миллиард тенге, Грузия – 7,8 миллиард тенге, Қирғизистон – 4,8 миллиард тенге ва Хитой туради – 3,3 миллиард тенге. Энг кам маблағ Арманистонга – 1,6 миллиард тенге ва Украинага жўнатилган – 859,8 миллион тенгега. 

Шу билан бирга, июнь ойида Қозоғистонга хориждан қарийб 92 миллиард тенгелик 176,3 минг транзакция амалга оширилди. Бу ерда пул асосан Россиядан – 66,8 миллиард тенге, Қирғизистон – 6,5 миллиард тенге, Ўзбекистон – 3,9 миллиард тенге ва АҚШдан тушган – 3,4 миллиард тенге. Энг кам маблағ Беларусдан – 592,7 миллион тенге ва Грузиядан ўтказилган – 499,2 миллион тенге. 

Айни пайтда, Қозоғистон ҳудудининг ўзида 14 миллиард тенгелик 18,1 минг транзакция амалга оширилган. 

Кўпроқ янгиликлар