Zangiotadagi transformatorda yirik yong‘in sodir bo‘ldi

Ijtimoiy tarmoqlarda Bek Baraka bozori atrofidagi do‘konlarda katta yong‘in bo‘layotgani haqida xabarlar tarqaldi. FVV holat yuzasidan ma’lumot berdi.

Foto: FVV matbuot xizmati

Bugun, 26 iyul kuni soat 16:05 da Toshkent viloyati Zangiota tumani Eshonguzar qo‘rg‘oni Toshkent halqa avtomobil yo‘li chetida joylashgan transformatorda yong‘in sodir bo‘layotgani to‘g‘risida viloyat FVBga xabar kelib tushgan.

Shunga ko‘ra, 5 ta yong‘in-qutqaruv ekipaji soat 16:13 da voqea joyiga yetib borgan, transformator hududiy elektr tarmoqlari korxonasi mutaxassislari tomonidan elektr tarmog‘idan uzilgandan so‘ng yong‘in soat 16:21 da to‘liq bartaraf etilgan.

Yong‘in natijasida yon-atrofdagi bino inshootlarga zarar yetmagan. Hodisa oqibatida tan jarohati olgan va halok bo‘lganlar yo‘q.

Bildirilishicha, hozirda yong‘in sababi va keltirilgan zarar miqdori aniqlanmoqda.

#yong‘in #Zangiota #transformator