Adliya organlari sog‘liqni saqlash va ta’lim tizimi xodimlariga 13,7 mlrd so‘m undirib berdi

Adliya organlari tomonidan sog‘liqni saqlash va ta’lim tizimi xodimlariga 13,7 mlrd so‘m (ish haqi, ustama va boshqa to‘lovlar) undirib berildi. Bu haqda AOKAda o‘tkazilgan brifingda Adliya vazirligi axborot xizmati rahbari Sevara O‘rinboyeva ma’lum qildi.

Adliya vazirligiga jismoniy va yuridik shaxslardan murojaatlar tahlili shuni ko‘rsatadiki, 2022 yilning 1-yarim yilligi davomida jami 78 182 ta murojaat kelib tushgan.

Murojaatlarning 43 764 tasi qanoatlantirilgan, 23 576 tasi yuzasidan huquqiy tushuntirish berilgan va 6 321 tasi ko‘rib chiqish uchun taalluqliligi bo‘yicha boshqa tashkilotlarga yuborilgan, 392 tasi ko‘rmasdan qoldirilgan, 51 tasi rad etilgan, 4 078 tasi ko‘rib chiqilmoqda.

Vazirlik va uning tizimiga hisobot davrida kelib tushgan murojaatlarni ularda keltirilgan masalalar kesimida tahlil qilingan.

Unda, ularning aksariyati uy-joy bilan ta’minlash, uy-joy buzilishi va buzilgan imoratlarga nisbatan kompensatsiya to‘lovlarini undirish, yerga doir qonun hujjatlariga oid, tadbirkorlik, pensiya, moddiy yordam, nafaqa masalalari, mehnat nizolari, ish haqi, notariat sohasiga oid, sud, prokuratura, ichki ishlar organlari xodimlari xatti-harakatidan noroziligi, advokatura faoliyatiga oid, bola puli kabi muammoli masalalarni tashkil qiladi.