13 ming tonna shakar maxsus rastalar orqali 10-12 ming so‘mdan sotilmoqda

Iqtisodiy jinoyatlarga qarshi kurashish departamenti axborot xizmati rahbari oziq-ovqat mahsulotlari narx-navosi ustidan nazorat ishlari haqida ma’lumot berdi.

Foto: Fotolia

13 ming tonna shakar arzonlashtirilgan maxsus rastalar orqali 10-12 ming so‘mdan sotilmoqda. Bu haqda AOKAda o‘tkazilgan brifingda Iqtisodiy jinoyatlarga qarshi kurashish departamenti axborot xizmati rahbari Nurbek Halimov ma’lum qildi.

Qayd etilishicha, muqaddam shakar birja savdolariga 1-2 ming tonna atrofida savdoga chiqarilgan bo‘lsa, hozirgi kunda uning hajmi 3 ming tonnagacha oshirildi.

Shu kabi, un va paxta yog‘ini savdoga chiqarish hajmlari ko‘paytirilib, narxlarni sun’iy oshirgan holda bitimlar tuzish holatlari bo‘yicha iqtisodiy jarimalar miqdori oshirildi.

Xususan, birjada narxlarni manipulyatsiya qilish yoki belgilangan tartibni buzgan holda savdoni amalga oshirish bilan bog‘liq holatlar bo‘yicha 52 shaxsga nisbatan choralar ko‘rildi.

#shakar #departament