Qoʻshimcha funksionallar
-
Tungi ko‘rinish
Toshkentdagi avtoturargohda turgan Isuzu yuk mashinasining gaz balloni portlab ketdi
Hodisa oqibatida yana bir nechta Isuzu yuk mashinasiga zarar yetgan.
Favqulodda vaziyatlar vazirligi axborot xizmatining Kun.uz’ga xabar berishicha, 2022 yil 23 iyun kuni soat 13:55 larda Toshkent shahar Yakkasaroy tumani, Sh.Rustaveli 1-tor ko‘chasi, 6-uyda joylashgan “HAVAS FOOD” MChJga tegishli bo‘lgan avtoturargohda turgan Isuzu yuk mashinasining gaz balloni portlagan.
Oqibatda, yuk mashinasi jiddiy shikastlangan. Shuningdek, portlash zarbi tufayli avtoturargohda turgan yana bir nechta Isuzu yuk mashinasiga zarar yetgan.
Qayd etilishicha, hodisada hech kim tan jarohati olmagan va halok bo‘lmagan.
SamAuto korxonasining ma’lum qilishicha, avtozavod tegishli davlat idoralari bilan birgalikda hodisa sabablarini o‘rganmoqda.
«Texnik guruh dastlabki ekspertizani o‘tkazish va portlashlar sabablarini aniqlash uchun ichki ishlar organlariga surishtiruv ishlarida ko‘mak berish uchun voqea joyiga jo‘nab ketdi», deyiladi SamAuto korxonasi ma’lumotida.
Avvalroq Yangiyer shahrida Nexia-3 mashinasining gaz balloni portlagan va mashina butunlay yaroqsiz holga kelgandi. Shuningdek, portlash zarbi tufayli uning yonida turgan ikkita mashinaga ham zarar yetgandi.
Mavzuga oid
21:10 / 08.03.2025
Yangiyo‘lda ko‘prikning bir qismi o‘pirildi
09:21 / 08.03.2025
Tez yordam xodimlari uy yo‘lagida tashlab ketgan fuqaroning holati haqida ma’lumot berildi
16:24 / 07.03.2025
“Vahimaga tushmang” - Kadastr agentligi yerlar xitoyliklarga sotilayotgani haqidagi mish-mishlarni rad etdi
09:32 / 07.03.2025