«Termez Cargo Centre»га халқаро транспорт-логистика хаби мақоми берилди

Ўзбекистон 11:58 / 23.06.2022 3289

Norma’нинг ёзишича, БМТ, бошқа халқаро ташкилотлар ва хорижий давлатлар томонидан Афғонистон ва бошқа давлатларга гуманитар ёрдамнинг тизимли асосда, марказлаштирилган ва мақсадли етказилишини таъминлаш мақсадида «Termez Cargo Centre»га Афғонистон ва бошқа давлатларга гуманитар ёрдам кўрсатиш бўйича халқаро кўп функцияли транспорт-логистика хаби мақоми берилди.

Халқаро хабга қуйидаги қўшимча вазифалар юклатилди:

  • гуманитар ёрдам кўрсатиш мақсадида халқаро ташкилотлар ва хорижий давлатлар вакиллари учун зарур шарт-шароитлар яратиш;
  • гуманитар ёрдамни қабул қилиш, сақлаш ва жўнатишни таъминлаш;
  • юклаш-тушириш ишлари, юкларни ташиш ва сақлашни ўз ичига олган комплекс транспорт-логистика хизматларини кўрсатиш, шунингдек, санитария қоидалари, нормалари ва гигиена нормативлари талабларига риоя этиш.

«Termez Cargo Centre» Термиз халқаро савдо маркази иштирокчилари реестрига киритилганини ҳисобга олиб ҳамда президент фармонига мувофиқ:

божхона, солиқ, сертификатлаштириш, фитосанитария, ветеринария, транспорт, банк хизматлари, валюта айирбошлаш хизматлари, шунингдек, тиббий ва меҳмонхона хизматлари, автотранспорт воситаларига техник хизмат кўрсатиш ва бошқа хизматлар «ягона дарча» тамойили бўйича йўлга қўйилади;

Афғонистон ва бошқа давлатларга гуманитар ёрдам сифатида юборилаётган товарларни божхона чегараси орқали олиб ўтаётганда ушбу товарларнинг божхона расмийлаштируви устувор ва соддалаштирилган тартибда амалга оширилади.

Кўпроқ янгиликлар