Тошкентда 26 та маҳаллага қўшимча 12 та автобус йўналиши очилади

Ўзбекистон 16:43 / 21.06.2022 3166

Тошкент шаҳрида жамоат транспорти етиб бормаган 26 та маҳаллага қўшимча 12 та автобус йўналишлари очилиб, метрополитен йўналишлари билан боғланади

Тошкент шаҳар транспорт бошқармаси матбуот хизмати хабарига кўра, улардан илк автобус йўналиши ҳаракати жорий йил июль ойидан йўлга қўйилади.

Қайд этилишича, ушбу автобус Юнусобод туманининг жамоат транспорти етиб бормаган Тикланиш, Ҳасанбой ва Ҳамкоробод маҳаллалари орқали  Холис, Нурмакон, Юқори Қорақамиш, Мойқўрғон, Аҳмад Дониш кўчаларидан Юнусобод метросигача ҳаракатланади. 

Янги ташкил этиладиган йўналишда 3 та автобус ҳаракатланиб, уларнинг оралиқ интервали 12-13 дақиқани ташкил этади.

Кўпроқ янгиликлар