Toshkentdan Volgogradga yo‘lovchi poyezdlar qatnovi yo‘lga qo‘yilmoqda

Rossiya Federatsiyasining Volgograd shahriga ham yo‘lovchi poyezdlarning qatnovi qo‘yilmoqda. Bu haqda «O‘zbekiston temir yo‘llari» xabar berdi.

Foto: Kun.uz

Qayd etilishicha, 2022 yil 25 iyundan boshlab 324/323-sonli «Toshkent – Volgograd – Toshkent» yo‘nalishlarida yo‘lovchi poyezdining qatnovi boshlanadi.

324/323-sonli «Toshkent – Volgograd – Toshkent» yo‘nalishlarida yo‘lovchi poyezd haftaning shanba kuni soat 23:58 da «Toshkent-Markaziy» temiryo‘l vokzalidan jo‘nab ketadi va seshanba kuni soat 09:56 da Rossiyaning «Volgograd» temiryo‘l vokzaliga yetib boradi. Volgograddan esa seshanba kuni soat 19:59 da jo‘nab ketib, «Toshkent-Markaziy» vokzaliga juma kuni soat 06:54 da yetib keladi.

Ma’lumot uchun, Toshkentdan Volgogradgacha temiryo‘l orqali bo‘lgan bo‘lgan masofa 2996 kilometrni tashkil etadi. Poyezd 60 soat davomida harakatlanadi. 324/323-sonli «Toshkent – Volgograd – Toshkent» yo‘nalishlarida yo‘lovchi poyezd 11 ta vagondan iborat: 3 kupe, 7 platskarta va vagon-restoran.

Chipta narxi to‘g‘risidagi ma’lumotni, sotuv muddatiga qarab chegirmalarni hisobga olgan holda, www.chipta.railway.uz, www.e-ticket.railway.uz saytlari orqali bilib olish mumkin.

Bundan oldin «O‘zbekiston temir yo‘llari» Rossiya bilan tiklanayotgan poyezdlar harakati haqida rasman ma’lum qilgandi.

#poyezd #Volgograd