O‘zbekiston milliy jamoasi muddatidan oldin Osiyo Kubogi yo‘llanmasini qo‘lga kiritdi

Sport 11:35 / 14.06.2022 26681

Osiyo Kubogi-2023 saralashi doirasida 3-turning dastlabki bahsida Falastin (9) Filippin (4) darvozasiga javobsiz 4ta to‘p kiritib, o‘z guruhida 1-o‘rin bilan turnirning final bosqichiga chiqdi. 

Guruhning ikkinchi bahsida Yaman (1) Mo‘g‘uliston (0) bilan o‘ynaydi. Ammo ushbu guruhda 2-o‘rinni egallagan jamoa 4 ochkodan ko‘p jamg‘ara olmaydi. 

Natijada qolgan guruhlardagi 6 ochko to‘plagan jamoalar, jumladan, O‘zbekiston ham 3-tur oldidan muddatidan avval qit’a chempionatiga yo‘llanma olishdi — O‘zbekiston, Tailand, Iordaniya, Hongkong, Hindiston, Bahrayn, Tojikiston va Qirg‘iziston.

Srechko Katanets bosh murabbiyligidagi O‘zbekiston o‘z guruhida birinchi o‘yinda Shri-Lankani 3:0, Maldiv orollarini 4:0 hisobida mag‘lub etgandi. Uchinchi tur doirasida Tailandga qarshi bahs 14 iyun kuni soat 20:30 da start oladi.

Ma’lumot uchun, O‘zbekiston ketma-ket 8-marta, Tojikiston esa o‘z tarixida ilk bor Osiyo chempionatida ishtirok etadi.

Eslatib o‘tamiz, saralashda 6ta guruh bor va ulardagi 1-o‘rin sohiblari hamda 2-o‘rin egalaridan eng yaxshi 5tasi final bosqichiga chiqadi.

Osiyo Kubogi-2023 saralashi
V guruhi 3-tur. 14 iyun
Falastin — Filippin 4:0

Gollar: Chihadeh (31), Seyam (42), Yamin (55), Abu Varda (72).

Ko‘proq yangiliklar: