Буюк Британия ҳукумати «Челси» клуби сотилишини маъқуллади

Спорт 15:19 / 25.05.2022 20716

Май ойи бошларида Абрамович клубни америкалик миллиардер Тодд Боэли бошчилигидаги инвесторлар гуруҳига сотиши маълум бўлди. Келишув миқдори 4,25 млрд фунт стерлингни (5,3 млрд доллар) ташкил этади.   

Буюк Британия ҳукумати миллиардер Роман Абрамовичнинг «Челси» футбол клуби сотилишига рухсат берувчи лицензияни берди. Бу ҳақда «Форбс» мамлакат рақамлаштириш, маданият ва спорт вазири Надин Доррисга таяниб хабар қилди

«Биз сотувдан тушган пулларни Роман Абрамович ёки санкцияларга тушган бошқа шахслар олмаслигидан қониқиш ҳосил қилдик», — деди Доррис. 

Аввалроқ Англия Премьер-лигаси бошқаруви клуб сотилишига розилик берганди.

Абрамович «Челси»ни 2003 йилда 187 млн долларга сотиб олганди. У 2022 йил март ойида клубни сотишга қарор қилди. 

Май ойи бошларида Абрамович клубни америкалик миллиардер Тодд Боэли бошчилигидаги инвесторлар гуруҳига сотиши маълум бўлди. Келишув суммаси 4,25 млрд фунт стерлингни (5,3 млрд доллар) ташкил этади.   

Кўпроқ янгиликлар