Кеч бўлмасидан аввал англанг: йилига миллиондан ортиқ одам ЙТҲ қурбони бўлади

Жамият 19:44 / 16.05.2022 8265

ЖССТ, шунингдек йўлда эҳтиёткорликни ошириш бўйича ўзига хос ижтимоий видеолавҳаларни ҳам мунтазам эълон қилиб боради.

БМТ маълумотларига кўра, дунё бўйлаб йилига 50 миллиондан ортиқ одам ЙТҲ сабаб жароҳат олади ва мажруҳ бўлиб қолади. Ҳар йили 1,3 млн инсон, шу жумладан болалар қурбон бўлади. Ҳар куни 3,5 минг кишининг жони йўлларда узилади.

Бу рақамларни шунчаки айтиб кетиш осон. Лекин чуқурроқ тафаккур қилинса, дунёда аҳолиси 1,3 млн кишига етмайдиган саксондан ортиқ давлат бор. Яъни ҳар йили кичикроқ бўлса-да битта давлат аҳолиси ғилдираклар остида янчилиб нобуд бўлмоқда.

Кунлик кўрсаткичлар ҳам даҳшатли. Ўзбекистоннинг ўртача қишлоқларида 3,5 минг аҳоли яшайди. Ҳар куни битта қишлоқ аҳли ўлиб кетаверишини тасаввур қилиш муаммо кўламини англаб олишда қўл келади.

Эксперт муаммо ечимига комплекс ёндашишни тавсия этади. Йўл ҳаракатининг барча иштирокчиларида йўл маданиятини шакллантиришга қаратилган тарғибот, йўл инфратузилмаси ва ундаги ҳаракатни оқилона ташкил этиш, қоидалар бузилгани учун жазо муқаррарлиги, соҳага замонавий технологияларни олиб кириш, автомобилларга муайян талаблар қўйиш кабилар шулар жумласидан.

БМТ ва ЖССТнинг мақсадлари улкан бўлишига қарамай, замонавий дунёда ҳар 24 сонияда бир инсон ЙТҲ натижасида ҳалок бўлишда давом этмоқда. Афсуски, Ўзбекистондаги вазият ҳам ўта оғир. 2021 йил якунларига келиб ЙТҲлар сони 10 мингдан ортган ва олдинги йилга нисбатан 43,24 фоизга ортиб, улар натижасидаги ўлим кўрсаткичи 23,65 фоизга қадар ошган.

Энг даҳшатлиси, бу ҳодисалар оқибатида бир йил ичида 9230 киши жароҳатланган бўлса, 2426 инсон ҳаётдан кўз юмган.

Аброр Зоҳидов

Кўпроқ янгиликлар