Belgorod oblasti gubernatori Vyacheslav Gladkov telegram orqali Shebekinskiy shahar okrugidagi Sereda qishlog‘i «Ukraina hududidan turib» o‘qqa tutilgani haqida xabar berdi.

«Tinch aholi vakillaridan bir kishi yaralangan, u snaryad parchasidan jarohat olgani qayd etilgan. Unga barcha zarur tibbiy yordamlar ko‘rsatiladi», — degan region rahbari.

Rossiyaning Ukrainaga bosqini boshlanganidan buyon ikki mamlakat chegarasi bo‘ylab joylashgan rus aholi punktlari bir necha marta zarbalarga uchradi.