Turkiyada dengiz ustiga qurilgan yangi aeroport ochildi 

Jahon 19:28 / 14.05.2022 15569

Turkiya va Ozarboyjon prezidentlari Rajab Toyyib Erdo‘g‘an va Ilhom Aliyev Turkiyadagi Riza-Artvin aeroportining ochilish marosimida qatnashdi.

Erdo‘g‘an yangi aeroportni Turkiyaning fuqaro aviatsiyasi va transport sohasida oxirgi 20 yilda erishgan yutuqlari ko‘rsatkichi deb atadi.

Uning so‘zlariga ko‘ra, Turkiyada oxirgi yillarda aeroportlar soni 26tadan 58taga yetdi.

"So‘nggi yillarda nafaqat yangi havo gavanlari qurildi, balki ayrimlari joriy ta’mirlandi", - dedi u.

Foto: Anadolu Agency

Turkiya rahbari besh yil davomida qurib bitkazilgan Riza-Artvin aeroportiga 4,4 mlrd turk lirasi (284,2 mln dollar) sarflanganini qayd etdi.

O‘z navbatida, Aliyev "Ozarboyjon va Turkiya ittifoqchilar" ekanini ta’kidladi.

Anadolu agentligining xabar berishicha, yangi aeroport yiliga 3 mln nafar yo‘lovchiga xizmat ko‘rsatadi.

Qayd etilishicha, "dunyoda uchish-qo‘nish yo‘laklari dengiz ustida joylashgan aeroportlar soni atigi beshta bo‘lib, ularning ikkitasi Turkiyada".

Ko‘proq yangiliklar: