Sankt-Peterburgning Kirov tuman sudi Ukrainadagi urushda Rossiya armiyasining yo‘qotishlari haqida xabar berilgan to‘rtta sayt ma’lumotlarini taqiqlash bo‘yicha da’voni qanoatlantirdi. 

301-garnizon harbiy prokuraturasi tegishli da’vo bilan sudga murojaat qilgan. Bu haqda 13 may, juma kuni shahar sudlari qo‘shma matbuot xizmati o‘zining Telegram kanalida ma’lum qildi.

Taqdim etilgan ma’lumotlarga ko‘ra, 301-garnizon harbiy prokuraturasi tomonidan internetda taqiqlangan ma’lumotlarning tarqalishiga qarshi kurashish sohasidagi Rossiya qonunchiligi qoidalarining bajarilishini tekshirish natijasida, bir qator saytlarda «halok bo‘lganlarning ismi, anketa va shaxsiy ma’lumotlari» e’lon qilingani, bunday ma’lumotlarni istalgan shaxs ko‘rishi mumkin ekani aniqlangan.

Sud to‘rtta saytdagi aniq havolalar haqida ma’lumotni taqiqlangan deb e’lon qildi. Ro‘yxatga Turkiyaning Anadolu agentligi portallari, CNN telekanalining Chexiya xizmati, Ukrainaning logistikaga bag‘ishlangan Logist today loyihasi, shuningdek, Ozarboyjondagi «Zerkalo» nashri kiradi.