Bugungi kunda “Trastbank” xususiy aksiyadorlik bankining 13 ta filiali faoliyat olib bormoqda. Namangan filiali uzoq yillar davomida mijozlarga bank mahsulotlari va xizmatlarini ko‘rsatib kelayotganlardan biri sanaladi.

Ya’ni 2009 yilda o‘z faoliyatini boshlagan moliya muassasasi mijozlarning ishonchini oqlab kelmoqda. O‘tgan vaqt mobaynida mazkur filial  qoshida 12 ta bank xizmatlari markazi tashkil etildi.

Ma’lumki, shiddat bilan o‘tib borayotgan bugungi kunda aholiga tezkor va sifatli xizmat ko‘rsatishda zamonaviy texnologiya va xalqaro standartlardan foydalanishni davrning o‘zi talab etmoqda. O‘z o‘rnida, “Trastbank” xususiy aksiyadorlik banki Namangan filiali mijozlari uchun yana bir qator qulayliklar yaratildi. Endi filial yangi, zamonaviy binoda mijozlarni qabul qila boshlaydi.

2022 yil 17 mart kuni “Trastbank” xususiy aksiyadorlik banki Namangan filiali yangi binosining ochilish marosimi bo‘lib o‘tdi. Unda viloyat hokimi Sh.Abdurazzoqov, “Trastbank” XAB Boshqaruvi Raisi o‘rinbosari Z.Kurganov, moliya muassasasining mijozlari, jamoatchilik vakillari hamda ommaviy axborot vositalari vakillari ishtirok etdi. 

Ta’kidlanganidek, Namangan shahri “Nodira” ko‘chasi 8-uyda joylashgan filialning yangi binosida barcha qulayliklar yaratilgan. Xususan, yuridik shaxslarga alohida, jismoniy shaxslarga alohida xizmat ko‘rsatish xonalari yaratilgan. Bu esa mijozlarning ortiqcha ovoragarchiligining oldini olish, ularning vaqti tejalishiga ham xizmat qiladi. Shuningdek, ushbu yangi bino viloyatning tuman va shaharlaridan keluvchilar uchun qulay hudud, ya’ni shahar markazida joylashgan.

Umuman olganda, filialning yangi binosi zamonaviy bank standartlari, bugungi kun talablaridan kelib chiqqan holda mijozlarga barcha bank mahsulotlari va xizmatlarini ko‘rsatadi. Elektron navbat, valuta ayirboshlash shoxobchalari, tun-u kun ishlaydigan bankomatlar shular jumlasidandir.

Barcha namanganlik mijozlarimizni yangi binoda kutib qolamiz. 

Reklama huquqi asosida