Ikkala bokschi 2021 yili 17 dekabrda Toshkentda ringda kuch sinashishgan va rasmiy qarorga ko‘ra, Madrimov 9-raundda texnik nokaut bilan g‘alaba qozongan edi.
Ammo Soro jamoasi hal qiluvchi zarbalar raund yakunlangani to‘g‘risidagi gong jaranglagandan keyin berilganini, referi bahsni vaqtida to‘xtatmaganini asos qilib, rasman revansh jangini talab qildi.
WBA ishni har tomonlama o‘rganib chiqib, o‘z qoidalarining C.26 bandiga tayangan holda Soro jamoasining talabini qabul qildi.
Endi tomonlar muzokara o‘tkazib, 30 kun ichida revansh jangi sanasini kelishib olishi shart.